Gigi Hadid është bërë nënë për herë të parë pak muaj më parë. Por supermodelja ka vendosur që të mos zbulojë emrin dhe imazhin e vogëlushes së saj.

Megjithatë, ylli i pasarelave nuk i ka shpëtuar dot paparacëve gjatë një shëtitje të rrallë me vajzën në New York.

Gigi Hadid, e veshur shumë elegante, po ecte në lagjen Soho dhe vogëlushen e kishte vendosur në karrocë. Dhe sigurisht që ishte siguruar që ti mbulonte fytyrën, që të mos e zbulonte imazhin e saj para kamerave.

Modelja, një inspirim për botën e modës, mbante një kapele 1,100 dollarë Louis Vuitton, një xhaketë përrallore me ngjyrë deveje dhe një palë çizme me takë të ulët.

Në tetor 2020, Gigi mirëpriti fëmijën e saj të parë me të dashurin Zayn Malik. Por çifti ende nuk ka njoftuar emrin e vogëlushes së tyre.

/Panoramaplus.al