Pak kohë më parë modelja e njohur shqiptare, Heidi Lushtaku pranoi se ajo dhe boksieri Robin Krasniqi i kanë dhënë fund fejesës së tyre 4-vjeçare. Modelja shkruante se ata edhe pse kishin katër vite së bashku, nuk arritën ta ruajnë harmoninë dhe përkushtimin për njëri-tjetrin, duke përfunduar në vendimin e ndarjes.

Por në muajin qershor të këtij viti, modelja ka tërhequr sërish vëmendjen me një foto të postuar në Instagram e cila shfaqet në shoqërinë e aktorit të njohur amerikan, Sylvester Stallone dhe disa miqve.

Së fundmi, burime për “Prive” kanë konfirmuar thashethemet që kanë bërë xhiron e rrjetit, duke bërë me dije se modelja dhe boksieri janë ribashkuar duke i dhënë një tjetër shans njëri-tjetrit. Disa javë më parë, Krasniqi u shpall kampion bote në duelin kundër Dominic Boesel.