I bie të fikët në banjë, 10 qepje në kokë për Tevez: ja gjendja e ish-sulmuesit

Frikë për Carlos Tevez. Mëngjesin e sotëm, ish-sulmuesi i Juventus, tashmë trajner i Independiente, u dërgua në spital pas një aksidenti në shtëpi.

Sipas asaj që raporton gazeta argjentinase Olé, teksa ishte në banjën e shtëpisë së tij, Tevez i ka rënë të fikët dhe është rrëzuar përtokë. Për shkak të gjakderdhjes u desh që ish-sulmuesi të transportohej në spital, ku u shoqërua nga një prej vajzave të tij.

10 QEPJE
Një plagë në kokë dhe enjtje në harkun e vetullës së majtë. Si rezultat 10 qepje për ish-sulmuesin argjentinas, i cili doli nga spitali pas disa orësh nën vëzhgim. Kështu, një incident pa pasoja të rënda për trajnerin. Tevez, pas mungesës së stërvitjes së sotme, duhet të ulet rregullisht në pankinë për ndeshjen mes Independiente dhe Barracas Central, të planifikuar për sonte në orën 2:00 (me orën italiane) në Estadio Libertadores de America.