Dashi
E mërkura do të nisë në mënyrën më të mirë të mundshme. Do të keni një vullnet të admirueshëm, duke e parë jetën ndryshe nga gjithë negativitetet e së kaluarës. Në vendin e punës keni patur mundësi edhe më të shumta, por kjo ditë do të bëjë që të kapërceni veten dhe të mos lini që t’ju ikë asgjë.

Demi
Mërkuri do të hyjë në shenjën tuaj, duke bërë që të lini pas disa probleme që ju kanë munduar. Kjo javë përgjithësisht do të jetë mjaft pozitive ndonëse do të ndiheni disi të lodhur. Parashikohet një periudhë e rëndësishme, për të vënë në qendër dashurinë, e cila do t’ju shpërblejë.

Binjakët
Prania e Hënës në shenjën tuaj do ju ndihmojë që të rikuperoni disa tensione që keni patur në vendin e punës. Gjatë kësaj dite mund të merrni në dorë situatën, ndonëse vështirësitë financiare do të jenë të pranishme. Dashuria është një sferë e cila ju mundon, por gjithsesi do të gjejë zgjidhje.

Gaforrja
Kjo ditë do të nisë me ngarkesë dhe lodhje për të lindurit e kësaj shenje, ndonëse në fund do të jetë mjaft e frytshme. Disa prej jush janë përballur me një krizë sentimentale apo ndarje, por tashmë situata do të jetë disi më e përmirësuar. Aspekti profesional do të ketë dritëhije, ndaj merrni kohë për çdo veprim.

Luani
Edhe kjo e mërkurë do ju shohë protagonistë! Gjatë ditëve të fundit keni pasur disa mundësi më shumë lidhur me problemet e natyrës financiare, të cilat kanë pasur nevojë për zgjidhje. Kush ka një projekt për të çuar përpara, mund të frenohet për shkak të pamundësisë ekonomike. Në dashuri duhet të tregoheni të kujdesshëm dhe të mos ushqeni tensione të kota.

Virgjëresha
Mes lajmeve të mira të kësaj jave, është hyrja e Mërkurit në shenjën tuaj. Bëhet fjalë për një planet që ju udhëheq. Do të jetë një ditë e rëndësishme sa i takon punës, pasi mund të merrni një propozim interesant. Edhe në dashuri, parashikohen zhvillime të reja dhe do të hapen shtigje të reja.

Peshorja
Disa Peshore do të hasin probleme të ndryshme, që duan mund, por nuk janë të pazgjidhshme. E mërkura do t’ju kalisë nervat dhe në pjesën e dytë të ditës, do të ndjeni peshën e shumë përgjegjësive. Nga ana tjetër dashuria do të shpërblejë çdo mundim tuajin.

Akrepi
Sipas yjeve, sot do të përballeni me ndonjë problem ekonomik, i cili mund t’ju krijojë pengesa. Nëse keni një kontratë e cila kërkon shtyrje, mund të ketë komplikime. Urani do të ketë ndikim të kundërt me shenjën tuaj. Megjithatë dëshira juaj e madhe është që të ketë ndryshime të cilat ju interesojnë shumë.

Shigjetari
Yjet do të kenë ndikim të favorshëm në shenjën tuaj. Ka mundësi që të merrni diçka më shumë nga sa prisni. Megjithatë kjo e hënë parashikon edhe disa polemika. Duhet të mundoheni që të luftoni kundër të gjithëve në nivel psiko-fizik. Dashuria është një çështje që kërkon vëmendje.

Bricjapi
Do të jetë një ditë e mbushur me reflektim për të lindurit e kësaj shenje. Hëna me ndikimin e kundërt, mund të bëjë që të mos ndiheni mirë. Do ju duhet që t’i bëni llogaritë edhe me ndonjë pengesë në dashuri. Ka ardhur momenti që të përballeni me njeriun tuaj të zemrës dhe të shprehni ndjesitë sinqerisht.

Ujori
Gjatë kësaj dite mund të dalë në pah shpirti juaj rebel. Yjet vështirë se mund të menaxhohen, madje mund të keni edhe kontradikta. Mund të doni që të ndryshoni gjithçka dhe më tej të doni që të ktheheni pas. Keni shumë shpenzime për të bërë, ndaj bëni mirë që të jeni sa më realist.

Peshqit
Keni nevojë për një shtysë në jetën tuaj. Familja ose miqtë, duhet t’ju stimulojnë më shumë, pasi gjatë kohëve të fundit keni qenë ju që ju keni qëndruar pranë, por që jo gjithmonë jua janë kthyer në të njëjtën mënyrë. Në këtë moment dashuria është në pikëpyetje dhe do të keni shqetësime.