Dashi
Të lindurit e kësaj shenje do të shohin një mënyrë të re për t’u bërë edhe më kreativë. Megjithatë, mos u nxitoni teksa merrni një vendim. Rekomandohet të kujdeseni për veten. Rishikoni dietën ushqimore dhe mos e shkelni atë. Sa i përket marrëdhënieve personale, nuk parashikohet asnjë problem.

Demi
Ekziston mundësia të përfshiheni nga pesimizmi. Do të ishte mirë nëse merrni pjesë në aktivitete të ndryshme, në mënyrë që të dilni nga kjo gjendje. Gjatë ditës mund të njihni dikë, i/e cili/a do të lërë gjurmë në kujtesën tuaj. Gjithsesi, bëni kujdes me hapat që do të ndërmerrni.

Binjakët
Mos bëni hapa galopant në marrëdhënien tuaj romantike. Nuk përjashtohet një konflikt i mundshëm me partnerin/partneren tuaj, i cili mund të shkaktojë edhe një krisje që do shumë kohë për t’u rikuperuar. Megjithatë, qetësohuni para se të merrni një vendim të tillë. Sa i përket aspektit profesional, parashikohet progres.

Gaforrja
Sot mund të vini re paqëndrueshmëri në marrëdhënien tuaj. Do ta keni të vështirë edhe bashkëpunimin me persona të tjerë, veçanërisht me kolegët. Ata që janë familjarë, ka gjasa të kenë probleme me fëmijët. Mos këmbëngulni që të zbatohet medoemos mendimi juaj. Lejoni të rinjtë ta jetojnë jetën në mënyrë të pavarur.

Luani
Ekziston mundësia që të përballeni me momente të pakëndshme gjatë ditës. Dikush do të përpiqet t’ju vërë në lojë qëllimisht. Sa i përket anës financiare, gjendja do të jetë e mirë. Ata që janë në kërkim të dashurisë, nuk duhet t’i besojnë verbërisht fjalëve të dikujt.

Virgjëresha
Nuk këshillohet të refuzoni këshillën e miqve. Ndoshta ky rekomandim do t’ju ndihmojë të shmangni problemet ose të tregoheni mjaft të kujdesshëm në çështjet personale. Është dita e duhur për të nisur luftën ndaj dobësive tuaja. Bëhuni më të fortë dhe të vendosur dhe do ia dilni.

Peshorja
Peshoret do të jenë të buzëqeshur dhe aktiv. Pozitiviteti do t’ju ndihmojë të pozicionoheni mjaft mirë në profesionin tuaj ose për të gjetur një partner ideal për romancë. Shmangni kopjet dhe mos i besoni personave që ju afrohen vazhdimisht për interes.

Akrepi
Do të befasoheni nga një surprizë mjaft e këndshme. Qetësohuni dhe mendoni se çfarë do të bëni në vijim. Nuk është dita e duhur për takime apo për nisjen e një pune të re. Pasdite rekomandohet të gjeni kohë për t’u relaksuar për të rifituar energjitë.

Shigjetari
Përpiquni të mendoni pozitivisht dhe të ecni përpara. Shfrytëzoni të gjitha shanset dhe mos hezitoni të merrni një vendim të rëndësishëm gjatë ditës së sotme. Pasdite mund të zhvilloni një takim të papritur, i cili do t’ju bëjë të mendoheni gjatë.

Bricjapi
Përpiquni maksimalisht të evitoni konfliktet me të tjerët. Vetëm në këtë mënyrë mund të shënoni sukses në aspektin profesional. Nuk rekomandohet të nisni një udhëtim këtë të shtunë. Sa i përket marrëdhënies romantike, gjithçka do të shkojë ashtu sikurse e kishit parashikuar.

Ujori
Sot mund të bëheni konfuzë nga interesi i shtuar që po tregon dikush ndaj jush. Nëse nuk arrini të kuptoni qëllimin e tij, bëni mirë ta ftoni në një takim dhe te bisedoni hapur. Të shtunën nuk do të keni surpriza. Dita në tërësi nuk do të jetë problematike, sa i përket anës profesionale.

Peshqit
Bëni mirë t’i besoni intuitës nëse keni dyshime për vërtetësinë e fjalëve të dikujt. Çdo këshillë e marrë nga njerëz të mençur do të jetë e vlefshme. Kontrolloni sjelljen dhe buxhetin tuaj. Kujdes me daljet në mbrëmje, pasi mund te shpenzoni më shumë se ç’kishit parashikuar.