Dashi
Ka mundësi që të ndiqni këshillat e disa mive sot dhe të hidhni disa hapa të rëndësishwm. Nëse keni një lidhje do i besoni më tepër partnerit dhe do i pranoni disa ftesa që ai do ju bëjë për të dalë. Pasditja dhe mbrëmja do jenë mjaft interesante. Ju beqarët duhet ta lini veten të lirë dhe të bëni atë që do ju thotë zemra. Mundësitë edhe për ju do jenë të njëpasnjëshme sot. Në punë do shkëlqeni me të vërtetë dhe shefat do ju besojnë verbërisht.

Demi
Sot do jeni të gatshëm të bëni çdo lloj lëvizjeje për ta përmirësuar jetën tuaj. Do keni kundërshtarë dhe pengues, por sërish do ja dilni. Të dashuruarit duhet të zgjidhin që në mëngjes konfliktet që kanw me partnerin në mënyrë që më pas të ndiheni më të qetë. Në mbrëmje do fryjë një fllad romantizmi. Beqarët do e kenw Plutonin aleatin e tyre më të fortë, i cili do i ndihmojë të joshin dhe të afrojnw pas vetes disa persona.

Binjakët
Vëmendja që do u kushtoni të tjerëve do jetë e madhe dhe kjo do ju bëjë të fitoni edhe më shumë pikë para të gjithëve. Mundohuni vetëm të mos e lini pas dore vetveten. Nëse jeni në një lidhje sot do ketë disa ndryshime shumë pozitive që do hapin një kapitull të ri në jetën tuaj. Ju beqarët do keni kurajën të bëni propozime, por jo të gjithë do keni fatin të merrni përgjigje pozitive. Në punë do ndiheni të lodhur dhe ndonjëherë mund të dorëzoheni para sfidave.

Gaforrja
Sot do influencoheni swrish pozitivisht nga yjet dhe do bëni atë çfarë do ndieni. Nëse jeni në një lidhje do keni ide brilante si ta bëni çdo moment sa më të bukur. Nëse jeni beqarë, një mik do ju bëjë një ftesw. Duke e pranuar atë nuk do e përballoni dot tundimin për të hedhur edhe ndonjë hap më tej. Në punë ka mundësi t’u kërkoni shefave një specializim më shumë në mënyrë qe të jeni edhe më të aftë. Mbështetja e tyre do jetë e pakushtëzuar. Buxheti do jetë i shkëlqyer kështu që do ndiheni të qetë kur të shpenzoni.

Luani
Dielli do ju bëjë më të vendosur sot dhe plot vullnet për të çuar deri nw fund projektet që keni nisur. Ju të dashuruarit mund të keni disa grindje të vogla me partnerin për shkak të largësisë që ai ka filluar t’ju mbajë. Mundohuni ta sqaroni gjithçka me qetësi dhe do gjeni zgjidhjet e duhura. Ju beqarët do jeni të turpshëm dhe sërish do e keni të vështirë t’i shprehni pëlqimet. Disa miq do ju ndihmojnë. Në punë do arrini rezultate edhe më të mira nga sa keni menduar. Objektivat do i përmbushni dhe do merrni vlerësime.

Virgjëresha
Sot do i vini kapak njëherë e mirë të ardhmes dhe do filloni çdo gjë nga e para. Nëse jeni në një lidhje do keni një lidhje të paqëndrueshme në mëngjes dhe do flisni me partnerin të bëni disa ndryshime të mëdha. Ju beqarët do takoni disa persona, por ndryshimet e mëdha në moshë do bëjnë që te mos vendosin për të hedhur hapa më tej. Në punë do jeni më të frymëzuar dhe më të motivuar kështu që keni për të hedhur hapa më përpara.

Peshorja
Hëna do ju shtojë imagjinatën gjatë kësaj dite dhe kjo gjë do ju ndihmojë të zgjidhni disa vështirësi që keni pasur. Do jeni në humor edhe më mirë. Nëse jeni në një lidhje do e kuptoni se nuk është gjithmonë e rëndësishme të jetosh me pasion për të qenë i lumtur. Do merreni vesh me njëri-tjetrin dhe do ndiheni mjaft mirë së bashku. Ju beqarëve do ju ndodhë një takim i papritur që mbase nuk mund të çojë në lidhje afatgjatë, por emocionet do jenë të fuqishme.

Akrepi
Sot nuk do jeni aspak të nxituar dhe nuk do hidhni hapa të gabuara. Nga ana tjetër me dialog dhe tolerancë do zgjidhni edhe disa probleme të së shkuarës. Ju të dashuruarit do gjeni fjalët e duhura dhe gjestet idealë si ta mbani partnerin pas vetes. Atmosfera do ngrohet edhe më tepër pasdite dhe bë mbrëmje. Beqarë, ju do jeni të duruar dhe nuk do bëni sot asgjë zgjedhje. Në punë do ju kërkohet mendimi për një çështje delikate dhe duhet të mendoheni mirë para se të flisni.

Shigjetari
Sot do doni të eksperimentoni dhe të provoni gjëra të reja. Shpesh do jeni si një vullkan gati për të shpërthyer. Nëse jeni në një lidhje, edhe pse mund të keni pak kohë, sot do kaloni momente shumë të bukura. Do ndani me partnerin edhe disa sekrete që do ju bashkojnë akoma më shumë. Çdo metode lejohet, mjafton të arrihet qëllimi. Në punë do arrini më shumë nëse bashkëpunoni me kolegët tuaj.

Bricjapi
Sot do doni të bëni çdo gjë ndryshe dhe do i keni të gjitha mundësitë për të rënë në sy. Nëse jeni në një lidhje do dini të flisni me takt dhe diplomaci me partnerin dhe do arrini të merrni çdo gjë që dëshironi. Diskutimet do jenë të gjata dhe të ngrohta kurdoherë. Në punë çdo gjë do varet nga strategjitë që do ndiqni. Po ecët me plane dhe po të jeni të drejtë gjithçka do ju realizohet në mënyrën më të mirë të mundshme.

Ujori
Sot do jeni më të logjikshëm dhe do mundoheni të toleroni në cdo situatë. Jeta juaj në çift do konsolidohet akoma më shumë. Do ia hapni zemrën njëri-tjetrit dhe do i plotësoni dëshirat reciproke. Në punë duhet të ndiqni me përpikmëri planet që keni bërë në mënyrë që të arrini majat. Po bëtë devijime gjërat do ndërlikohen akoma më tepër. Në planin financiar nuk do jeni shumë të kujdesshëm, por falë ndihmës së familjarëve gjendja ka për të mbetur goxha e mirë.

Peshqit
Hëna dhe Mërkuri do jenë në kundërshti me njëra-tjetrën sot dhe mund të sjellin pështjellime në jetën tuaj. Bëni shumë kujdes me çdo hap që do hidhni. Nëse keni një lidhje reflektoni para se të hidhni hapa dhe flisni hapur me partnerin për gjithçka. Për punën do jetë një ditë e mirë. Do jeni shumë korrektë gjithë kohës dhe nuk do ju dalin të papritura. Buxheti do jetë më i kënaqshëm dhe do ndiheni më të lirë kur të shpenzoni.