Dashi
Më shumë se fantazinë gjatë kësaj dite duhet të ushqeni logjikën tuaj. Reflektoni më mirë ndaj asaj që ju rrethon, si dhe analizoni mundësitë e paraqitura, sidomos në sferën profesionale. Në dashuri do të dominoheni nga romanticiteti i cili do të udhëheqë ndjenjat tuaja.

Demi
Mjaft ëndërruat me sy hapur! Kjo e diel ju dhuron më shumë zgjuarsi, duke lënë mënjanë idetë që ju kanë dyjëzuar. Jo gjithmonë ajo që dëshironi do mund të realizohet. Kjo nuk është dita e duhur sa i takon ndjenjave, madje as financave.

Binjakët
Nëse jeni në pritje të një përgjigje në dashuri, mos e hidhni hapin më shumë nga sa mundeni. Një nxitim i juaji mund të shkatërrojë gjithçka. Nëse përgjigja që prisnit nuk do të vijë, do të thotë se kështu duhet të shkonte. Në sferën profesionale do të përballeni me një surprizë, ndaj mundohuni të jeni të përqendruar.

Gaforrja
Sa i takon raportit në çift parashikohen momente tensioni dhe kundërshtie. Mos e ushqeni zjarrin, por ruani qetësinë për në një moment tjetër. Në familje, do ju duhet të bëni një hap mbrapsht për shkak të një keqkuptimi, i cili e rrezikon shumë raportin tuaj me të afërmit.

Luani
Fundjava po mbaron ju do të ndjeni nevojën për të pushuar. Fatkeqësisht duhet të mblidhni energjitë, për të përballuar ditën pasardhëse. Në dashuri, do të dalë në pah shpirti juaj rebel. Bëni mirë të shuani çdo dyshim, në mënyrë që të mos lëndoni njeriun e zemrës.

Virgjëresha
Venusi vijon të jetë i pranishëm në shenjën tuaj. Kjo e diel do të jetë e mbushur me aktivitet krijues, sidomos sa i takon projekteve personale. Në raportin në çift nuk parashikohen zhvillime të reja, ndërsa ata që janë vetëm mund të kenë njohje interesante.

Peshorja
Hëna po ju buzëqesh sidomos nëse jeni në kërkim të shpirtit tuaj binjak. Kjo ditë, për ata që janë vetëm do të jetë e mbushur me mundësi të shumta sa u takon ndjenjave. Në shoqëri do të përballeni me vështirësi për shkak të një shakaje, ndaj bëni mirë të ngadalësoni ritmin, në mënyrë që të siguroheni.

Akrepi
Do të ndiheni tejet të demoralizuar gjatë kësaj dite, ku gjithçka që ju dukej pozitive deri më sot do të venitet. Mundohuni që ta shihni gotën gjysmë plot dhe jo gjysmë bosh, pasi në të kundërt lëndoni veten. Në sferën sentimentale, duhet të vendosni pikat mbi “i” me partnerin e zemrës.

Shigjetari
Gjatë kësaj të diele doni të jeni tejet të saktë! Keni vendosur që të angazhoheni më shumë në raportet ndërpersonale, sidomos me personat që kanë vërtetë rëndësi për ju. Nuk është kurrë vonë që të shprehni hapur ndjenjat! Në familje duhet të përkushtoheni më shumë.

Bricjapi
Do të jeni të ndikuar nga të tjerët, aq sa nuk do të jeni më në gjendje të arsyetoni me mendjen tuaj. Bëni mirë që t’i filtroni këshillat që do ju jepen. Në dashuri do të ndiheni të brishtë dhe nuk do keni kurajo të përballeni me problemet, por për fat të mirë personi i zemrës ju mbështet.

Ujori
Gjatë kësaj dite do të ndiheni të luhatur emocionalisht. Do të jeni në konflikt me emocionet tuaja, ndaj bëni mirë të punoni shtruar si në punë edhe në dashuri. Një ndryshim në familje, mund të ndikojë shumë tek ju. Bëni mirë që të shmangni kontaktet me shumë persona, në mënyrë që të shmangni shqetësimet.

Peshqit
Jeni shumë të shpërqendruar, ndaj bëni mirë që të rigjeni ekuilibrin. Për ata që janë vetëm, këshillohet që të ndjekin instinktin. Në çift, do të përfshiheni në një situatë të cilën do e keni të vështirë që ta menaxhoni vetëm. Ndoshta ka ardhur momenti që të kërkoni ndihmë.