Horoskopi 22 nëntor 2020

Dashi 

Dita e sotme do jetë pozitive dhe bashkëpunimi në çift do shtohet akoma më shumë. Do merrni mendimin e njeri-tjetrit për gjithçka dhe nuk do ketë aspak debate. Beqarët nuk do kenë asnjë ndryshim në jetën sentimentale. Financat nuk do jenë të mira, andaj mos e teproni.

Demi 

Nëse nuk doni të keni telashe me partnerin/en tregohuni sa më të sinqertë gjatë kësaj dite. Nëse nuk arrini dot ta qetësoni situatën e krijuar merrni pak distancë nga njeri-tjetri dhe reflektoni me kujdes. Beqarët do e gjejnë më në fund shpirtin e tyre binjak dhe do ndihen të plotësuar.

Binjakët

Mundohuni të tregoheni sa më realistë në jetën tuaj në çift sot dhe mos thurni shumë ëndrra. Sa më shumë të dilni nga realiteti aq më shumë do iu ndërlikohet situata. Beqarët duhet ta lënë veten të lirë dhe të dalin sa më shumë nëpër festa, pasi edhe problemet financiare i kanë zgjidhur.

Gaforrja

Kjo ditë do jetë shumë e turbullt për ata që janë në një lidhje. Nuk do bini shumë dakord me atë që keni në krah dhe debatet do jenë të njëpasnjëshme. Kujdes! Beqarët do jenë më me fat në sektorin e dashurisë. Pa kërkuar shumë do iu shfaqet para personi që kanë ëndërruar.

Luani

Dita e sotme do jetë shumë e qetë për të dashuruarit. Rutina do mbizotërojë gjatë gjithë kohës dhe nuk pritet asgjë e re. Beqarët nuk do e dinë as vetë se çfarë duan dhe për këtë arsye do bëjnë mirë të qëndrojnë edhe pak kohë ashtu si janë. Mundohuni të përmirësoni financat!

Virgjëresha

Në jetën tuaj në çift duhet të tregoheni shumë të kujdesshëm gjatë kësaj dite dhe të mos merrni vendime të nxituara. Mos iu besoni shumë as atyre që do iu thonë disa miq. E njëjta gjë duhet thënë edhe për beqarët. Njihuni mirë me personat që do takoni para se të vendosni të krijoni një lidhje.

Peshorja

Pritet që dita për të dashuruarit të jetë më harmonike sot. Do i kushtoni vëmendjen e duhur partnerit/es dhe do sqaroni me qetësi problemet e vogla që keni pasur. Beqarët nuk do jenë me shumë fat kështu që duhet të presin ende dhe pak për të gjetur personin e duhur.

Akrepi

Për shkak të ndikimit të madh të Uranit në jetën tuaj në çift, duhet të tregoheni shumë të duruar me partnerin/en dhe të bëni herë pas here lëshime ndaj tij. Beqarët do admirohen dhe do joshen nga shumë persona, por nuk do jenë të vendosur për të hedhur hapa.

Shigjetari

Ndikimi i yjeve do jetë shumë negativ sot për jetën sentimentale të çifteve. Debatet me partnerin/en do jenë të pafundme dhe nuk do arrini dot të zgjidhni asgjë. Qëndroni pak vetëm dhe reflektoni. Beqarët do fillojnë aventura emocionuese, por afatshkurtra.

Bricjapi

Ka shumë gjasa që ata që janë në një lidhje të normalizojnë gjithçka gjatë kësaj dite. Beqarët duhet të reflektojnë me kujdes para se të marrin vendime. Në planin financiar gjërat do shkojnë mbarë, do arrini të përmirësoni të ardhurat dhe do të mendoni edhe për të ardhmen.

Ujori

Duhet t’i kushtoni pak më tepër vëmendje sot atij që keni në krah sepse po e latë pas dore gjërat mund të marrin tatëpjetën. Shtojini dozat e dialogut dhe tregohuni më të kuptueshëm. Beqarët do kenë një ditë të mrekullueshme dhe me emocione të forta.

Peshqit

Mundohuni të shmangni me çdo kusht konfliktet në çift gjatë kësaj dite sepse përndryshe mund të arrini edhe deri në një ndarje. Kokëfortësia do jetë pika juaj më e dobët. Beqarët do përfitojnë mjaft nga liria që kanë dhe nuk do e ndiejnë nevojën për të krijuar një lidhje.