Dashi
Do keni një mënyrë të veçantë komunikimi dhe do të dilni lehtësisht nga situatat delikate që mund të krijohen ndonjëherë. Sharmi juaj sot do të pushtojë zemra. Periudha më e favorshme për projekte të mëdha është pjesa e dytë e ditës.

Demi
Kjo ditë do jetë e mbushur me risi. Ata që janë në një lidhje do kenë një fillim të mirë dhe plot surpriza. Në dashuri përgjithësisht do mbizotërojë ekuilibri. Përsa i përket aspektit profesional, do të përballeni me një situatë të pakëndshme, por do të triumfoni.

Binjakët
Besojini partnerit për ato që do ju thotë dhe mos ngurroni të hapni rrugë herë pas here. Beqarët do kenë një ditë plot surpriza dhe takime interesante. Kujdes duhet të tregoni me financat dhe me njerëzit që ju rrethojnë.

Gaforrja
Gjendja financiare do jetë e mirë, por megjithatë duhet të tregoheni më të kursyer. Shëndeti nuk do jetë as i shkëlqyer, as i keq. Duhet të kujdeseni më tepër për veten. Pak aktivitet fizik, një shëtitje në natyrë dhe një dietë e shëndetshme ju duhen për t’u rikuperuar.

Luani
Për financat do jetë një ditë e favorshme. Do të kryeni të gjitha shpenzimet e menduara dhe gjendja do fillojë të përmirësohet ndagalë. Personi i zemrës ka disa hatërmbetje ndaj jush, ndaj bëni mirë t’i kushtoni vëmendje ankesave të tij.

Virgjëresha
Në momentet e duhura do t’ju duhet të merrni vendime të rëndësishme. Gjendja financiare do jetë goxha e ekuilibruar. Do i konsideroni të gjitha këshillat që ju kanë dhënë personat që kanë më tepër eksperiencë. Dëgjoni dhe mësoni!

Peshorja
Në punë duhet të tregoheni më të duruar dhe duhet të bashkëpunoni me të tjerët, në mënyrë që të përfundoni me sukses një projekt të nisur shumë herët. Në dashuri parashikohen disa ndryshime, të cilat do ta rifreskojnë ose mbyllin një histori të gjatë.

Akrepi
Në planin financiar do të jeni shumë të kujdesshëm dhe do të mateni mirë para se të shpenzoni. Nuk do ketë aspak vështirësi, nëse nuk e teproni. Ju e dini që balanca është çelësi i gjithçkaje, ndaj vendosini fre pasioneve tuaja.

Shigjetari
Në planin financiar nuk do të keni probleme serioze, sepse do e dini mirë sa të shpenzoni dhe sa para të kurseni. Me shëndetin duhet të bëni kujdes, pasi edhe stina nuk ju favorizon. Ndërkohë, dedikojini kohë edhe dashurisë dhe emocioneve tuaja.

Bricjapi
Në punë do jetë një ditë e mbushur me risi, lodhje, por edhe me arritje të mëdha. Disa mund të ndryshojnë pozicionin, ndërsa ata që janë në kërkim të një pune, mund të kenë shanse të mira. Dashuria shihet në horizont, mos e injoroni atë.

Ujori
Ata që janë në një lidhje mund ta fillojnë ditën jo shumë pozitivisht. Me financat duhet të tregoheni sa më vigjilentë dhe manaxhojini me kujdes ato para që do keni nëpër duar. Shëndeti nga ana tjetër, paraqitet i mirë dhe jeni plot energji.

Peshqit
Do ndiheni më mirë se më pare, nisur edhe nga pozicioni i Hënës në shenjën tuaj. Në punë do jeni më kompetentë dhe gati për të marrë vendime të rëndësishme, të cilat do të ndikojnë në shumë aspekte në jetën tuaj. Përqafojeni ndryshimin!