Personazhet e njohur të ‘showbiz-it’ shqiptar kanë guxuar jo pak këtë vit duke imituar një sërë personazhesh të filmave vizatimorë, serialeve të ndryshme e projekteve kinematografike.

Së fundmi ka qenë moderatorja e njohur, Hygerta Sako e cila ka zbuluar se këtë vit ka realizuar një nga personazhet që ka pasur më shumë dëshirë, Kleopatrën.

“Gjithmonë e kam dashur një foto si Kleopatra dhe më në fund këtë ‘Halloween’ e realizova këtë dëshirë”, ka shkruar Sako krah fotos ku shfaqet e kuruar deri në detaje.

Ndërsa reperja e njohur kosovare, Tayna ka publikuar disa foto ku shfaqet e veshur si Helena e Trojës.

“Helena e Trojës”, ka shkruar Tayna krah postimit ku nuk kanë munguar komplimentet e ndryshme për shkak të formave tërheqëse të saj.

Me siguri këto dy personazhe kanë frymëzuar të gjithë ndjekësit e Taynës dhe Hygertës për të realizuar personazhet historikë që kanë qenë emrat më të dashur të kohës së antikitetit./revistawho.com