Pasi u kualifikuan në 1/8 me dy fitore, fituesja e Grupit H Portugalia përballet me Zvicrën e dyta e Grupit G. Në stadiumin Lusail, do të luhet një nga dy ndeshjet e gjitha europiane në 1/8. Dy skuadra që përjetuan fate shumë të ndryshme në ndeshjet e tyre të fundit të grupeve, tani konkurrojnë për një vend të çmuar në çerek-finale. Zvicra e udhëhequr nga dy shqiptarët Granit Xhaka e Xherdan Shaqiri eliminuan Serbinë. Lideri i Portugalisë, Cristiano Ronaldo, në anën tjetër, përballet me momentin më delikat të karrierës.

PORTUGALIA

I duhej një pikë për të siguruar vendin e parë, por Portugalia me rezerva doli e mundur nga Korea. Tani luzitanët kërkojnë të kalojnë me sukses 1/8 për herë të parë që nga viti 2006. Atëherë ata u renditën në vendin e katërt në Gjermani. Fituesi i Euro 2016 Santos synon të hapë horizonte të reja këtë dimër. Një Portugali e frymëzuar nga Eusebio përfundoi e treta në Kupën e Botës 1966. Por me gjithë suksesin e tyre në nivelin e të rinjve, luzitanët nuk kanë arritur kurrë në një finale globale për të rritur. Në të vërtetë, dy nga tre fushatat e tyre të fundit përfunduan në raundin e parë me eliminim. Me spekulimet ende të ndezura për formën dhe aftësinë e makinës së rekordeve Cristiano Ronaldo, Santos duhet të marrë një vendim. Selecao ndeshet me një kundërshtar të njohur në turnetë e mëdha. Herën e fundit ata u ndeshën me zviceranët në Ligën e Kombeve të UEFA-s në fillim të këtij viti. Dy rezultate shumë të ndryshme në harkun kohor të disa ditëve. Portugalia fitoi 4-0 në Lisbonë, me Ronaldon që shënoi një dygolësh në pjesën e parë. Më pas Zvicra ktheu reston me fitoren 1-0 në Gjenevë.

ZVICRA

Pas asaj fitoreje kundër Portugalisë, në Ligën e Kombeve, Zvicra mposhti edhe Spanjën e Republikën Çeke në të njëjtën garë. Në Katar skuadra e Yakin fitoi dy nga tre ndeshjet e para në Katar. Kualifikimi u vendos me 3-2 ndaj Serbisë, në përballjen e zjarrtë të skuadrave në Stadium 974. 11 lojtarë u ndëshkuan nga arbitri ndërsa vendosën golat e Breel Embolo, Remo Freuler dhe Xherdan Shaqiri. Shqiptari, që shënoi golin e parë, festoi duke heshtur tifozët serbë që e fishkëllenin në çdo prekje të topit. Zviceranët nuk kanë fituar kurrë më parë tre ndeshje në një finale të Kupës së Botës. Madje ata nuk kanë mundur të arrijnë në çerekfinale në shtatë përpjekjet e tyre të fundit. Vetëm 90 minuta – plus ndoshta pak më shumë – e ndajnë tani skuadrën e Murat Yakin nga një arritje e tillë. Nga koha kur organizuan Kupën e Botës në vitin 1954, Zvicra nuk ka arritur në 8-shen e fundit. E pasi eliminoi Francën për të kaluar në çerekfinale të Euro2020,Zvicra me siguri do t’i luajë shanset e saj.

TË REJAT E EKIPEVE

Debutoi si titullar për Benfica vetëm në gusht, por mbrojtësit 19-vjeçar Antonio Silva iu dha debutimi i tij kundër Koresë së Jugut. Ai luajti së bashku me kampionin veteran Pepe, 20 vjet më i madh se ai. I riu portugez duhet të hapë rrugën, megjithatë, pasi Ruben Dias rikthehet në katërshe. Diogo Dalot la një përshtypje të mirë në debutimin si titullar në Kupën e Botës, kështu që mund të rikonfirmohet. Kapiteni Cristiano Ronaldo, golashënuesi rekord i Selecaos, e nis sërish titullar. Andre Silva dhe një tjetër perspektivë e Benfica, Goncalo Ramos, në pankinë. Nuno Mendes u përjashtua nga pjesa tjetër e turneut javën e kaluar për shkak të dëmtimit. Danilo mbetet jashtë fushës pasi pësoi thyerje në brinjë, edhe Otavio mbetet në dyshim.

Zvicra shpreson që portieri i fortë Yann Sommer të kthehet të forcojë prapavijën në stadiumin Lusail. Portieri humbi ndeshjen e fundit të Grupit G për shkak të sëmundjes. Me 30 porta të paprekura dhe pritje të panumërta vendimtare në 76 paraqitjet e tij për Zvicrën, Sommer do të rikthehej titullar ndaj Gregor Kobel të Borussia Dortmund, nëse është i disponueshëm. Janë të gjitha mundësitë që skuadra e Murat Yakin të jetë e pandryshuar. Granit Xhaka dhe Remo Freuler bëjnë digën e mesfushës përpara një mbrojtjeje të organizuar mirë. Breel Embolo kryeson vijën sulmuese, ndërsa Ruben Vargas dhe Xherdan Shaqiri ofrojnë mbështetje nga jashtë. Alternativa janë Christian Fassnacht dhe Renato Steffen.

FORMACIONET

Formacioni i mundshëm i Portugalisë:
Costa; Dalot, Pepe, Dias, Cancelo; B. Silva, Neves, Carvalho; Fernandes; Felix, Ronaldo

Formacioni i mundshëm i Zvicrës:
Sommer; Widmer, Akanji, Schar, Rodriguez; Freuler, Xhaka; Shaqiri, Sow, Vargas; Embolo

PRECEDENTËT

Swiss vs Portugal
Games won: 9
Games drawn: 6
Games lost: 11

01 May 1938 Portugal v Switzerland L 1-2 FIFA World Cup
06 Nov 1938 Switzerland v Portugal L 1-0 International Friendly
12 Feb 1939 Portugal v Switzerland L 2-4 International Friendly
01 Jan 1942 Portugal v Switzerland W 3-0 International Friendly
21 May 1945 Switzerland v Portugal L 1-0 International Friendly
05 Jan 1947 Portugal v Switzerland D 2-2 International Friendly
16 May 1959 Switzerland v Portugal L 4-3 International Friendly
29 Apr 1964 Switzerland v Portugal W 2-3 International Friendly
16 Apr 1969 Portugal v Switzerland L 0-2 FIFA World Cup
02 Nov 1969 Switzerland v Portugal D 1-1 FIFA World Cup
13 Nov 1974 Switzerland v Portugal L 3-0 International Friendly
30 Mar 1977 Portugal v Switzerland W 1-0 International Friendly
24 Mar 1982 Switzerland v Portugal L 2-1 International Friendly
29 Oct 1986 Switzerland v Portugal D 1-1 UEFA European Championship
11 Nov 1987 Portugal v Switzerland D 0-0 UEFA European Championship
26 Apr 1989 Portugal v Switzerland W 3-1 FIFA World Cup
20 Sep 1989 Switzerland v Portugal W 1-2 FIFA World Cup
31 Mar 1993 Switzerland v Portugal D 1-1 FIFA World Cup
13 Oct 1993 Portugal v Switzerland W 1-0 FIFA World Cup
15 Jun 2008 Switzerland v Portugal L 2-0 UEFA European Championship
06 Sep 2016 Switzerland v Portugal L 2-0 FIFA World Cup
10 Oct 2017 Portugal v Switzerland W 2-0 FIFA World Cup
05 Jun 2019 Portugal v Switzerland W 3-1 UEFA Nations League
05 Jun 2022 Portugal v Switzerland W 4-0 UEFA Nations League
12 Jun 2022 Switzerland v Portugal L 1-0 UEFA Nations League