Pasi sherri u bë publik, Grezda për mediat tha se shkak i sherrit u bë fakti se Colak e kishte provokuar dhe ofenduar si në aspektin kombëtar dhe atë personal.

Në fillim, u tha se futbollisti shqiptar rrezikonte të pezullohej deri në 2 vite nga futbolli për këtë sherr. Por Federata Kroate e Futbollit ka vendosur që Grezda të pezullohet vetëm për 4 ndeshje.

“Komisioni disiplinor vendosi një pezullim prej 4 ndeshjesh për Eros Grezdën në kampionat ose kupe. Ai u dënua për sulmim fizik ndaj lojtarit të Rijekës, Antonio Mirko Çolak jashtë fushës së lojës në stadiumin e Rijekës pas ndeshjes gjysmëfinale të Kupës së Kroacisë, duke kryer kështu një shkelje të nenit 57 të Rregullave Disiplinore. Përmes klubit, ky vendim iu dorëzua lojtarit”, ka njoftuar federata.