Deklarata e këngëtares Ingrid Michaelson, me të cilën Zayn Malik ka bashkëpunuar për këngën e fundit, ka trazuar rrjetin. Këngëtarja teksa fliste për Zayn, iu referua atij si burrë i martuar dhe kaq u desh që Twitter të plaste me statuse për martesën e fshehtë të këngëtarit dhe Gigit.

“Nuk jemi takuar, Zayn nuk bën gjëra që nuk do t’i bëjë dhe fakti që bëri këtë këngë është e mrekulleshme. Ai është një person kaq privat dhe tani i martuar e me fëmijë”-tha Ingrid.

Pasi deklarata e saj solli aludimet se çifti janë martuar në fshehtësi, këngëtarja u detyrua të sqarojë se kishte gabuar.

“Duhet të isha në gjumë, por këto orët e fundit kanë qenë të çmendura. Thashë se po punoj me Zayn dhe përmenda se është i martuar. Mesa di unë ai nuk është i martuar. Ishte një gabim. Kërkoj ndjesë, më vjen shumë keq”-u shpreh Ingrid.