Getoar Selimi, disi i tëhequr nga skena muzikore këto vitet e fundit, njoftoi se do të rikthehet jo me një këngë, por me një album.

Albumi, i cili titullohet “5 kurora”, përbëhet nga 15 këngë dhe, sipas artistit, do të ofrojë më shumë se thjesht muzikë.

“Më 05/05/2025 do të dalë albumi im i ri, “5 KURORA”! 15 këngë që nuk janë thjesht muzikë, por histori, vibe dhe energji që do të trondisin themelet e skenës,” shkroi ai.

Reperi theksoi se ky projekt nuk është thjesht një koleksion këngësh me hite, por një moment që do të shënojë një ndryshim të madh në industrinë muzikore.

“Për të gjithë ata që ndjekin artin tim, e di që nuk do të zhgënjeheni. Ky nuk është thjesht një album me hite, është momenti kur industria do të ndryshojë përgjithmonë! Rrini gati – BABA po vjen me 5 KURORA!”

Në një kohë kur skena muzikore shqiptare është në ndryshim të vazhdueshëm, ndërkohë që Getoari ka publikuar këngë sporadike, “5 kurora” duket të jetë një moment i rëndësishëm për karrierën e tij.

Anabelmagazine