Showbiz-i shqiptar po përgatitet për një dasmë tjetër VIP, pikërisht kurorëzimin e reperit, Getoar Selimi me prezantuesen Marina Vjollca. Çifti që po bashkëjetojnë në Tiranë kanë vendosur datën e dasmës që do të jetë 10 shtatori. Sipas burimeve pranë çiftit, ceremonia do të organizohet në Prishtinë dhe do të ketë të pranishëm rreth 250 të ftuar. E veçanta e kësaj ceremonie është fakti që Getoari ka vendosur të ndjekë ritet tradicionale shqiptare. Kështu ndryshe nga çiftet e tjerë VIP që organizojnë një dasmë për të dy, reperi ka vendosur që të udhëtojë drejt shtëpisë së Marinës në Tiranë bashkë me krushqit, për ta marrë nusen të dielën në shtëpinë e tij në Prishtinë. Flitet që do të jetë dasma e vitit, ndërkohë që pas celebrimit Marinën do e shohim në “TV Klan”, si prezantuese të një formati francez.