FreeNoizy, personazhet publike nisin kauzën në mbrojtje të reperit pas arrestimit

Pas arrestimit të Noizyt nga policia në Shëngjin, disa prej personazheve publike kanë nisur në rrjete sociale një fushatë të quajtur FreeNoizy.

Loredana, Blerim Destani, Bardhi, Çiljeta Xhilaga, Varrosi, Tayna janë disa nga personat që kanë reaguar në mbrojtje të reperit. Qëllimi i tyre është lirimi i artistit

“Të jesh artist dhe njeri publik nuk do të thotë të jesh i cënueshëm dhe tabelë qitje për kërcënime, shantazhe, fyerje e denigrime të imazhit. Sot jam #MeNoizyn, për të mbrojtur artistët dhe artin. Jam #MeNoizyn për të mbrojtur njeriun e përkushtuar ndaj punës dhe vlerave që mbart arti. Jam #MeNoizyn për të mbrojtur veten dhe familjen. Sepse drejtësia duhet të ketë një dhe vetëm një standard”, shkruhet në një pjesë të kauzës.