Pamela Anderson nuk është më beqare. Aktorja e famshme dhe truproja i saj, Dan Hayhurst, u martuan në prag të Krishtlindjes në shtëpinë e Anderson në Vancouver Island, konfirmoi përfaqësuesi i 53-vjeçares për CNN.

“Jam martuar në pronën që bleva nga gjyshërit e mi 25 vjet më parë, këtu janë martuar prindërit e mi dhe ata janë ende së bashku,”- tha ajo për Daily Mail.

Ndërsa një burim i afërt me aktoren tha se ajo është më e lumtur se kurrë përkrah truprojës.

“Dan është mbi re, ai u martua me vajzën e ëndrrave”– tha burimi.

Lajmet vijnë më pas se një vit, pasi Pamela Anderson u martua për 12 ditë me Jon Peters, por që u pendua shumë shpejt për vendimin që mori.

Raportohet se 53-vjeçarja u martua me truprojën pasi u dashuruan gjatë periudhës së karantinës.

“Jam pikërisht aty ky duhet, në krahët e një njeriu që më do vërtet,”– tha ajo për Daily Mail. “Jam e dashuruar. Ne u martuam në prag të Krishtlindjes me bekimin e të dy familjeve tona, të gjithë ata që njohim janë të lumtur për ne.”

Gjithashtu ajo ndau edhe foto nga dasma e saj private, ku aktorja shihet e veshur me vellon e bardhë.

Pamela Anderson ka qenë martuar me Nick Solomon dy herë, në vitin 2007 dhe 2013. Ajo u martua dhe u divorcua nga Kid Rock në 2006.

Ndërsa martesa e saj e parë ishte me Tommy Lee në vitin 1995, së bashku çifti kishin dy fëmijë dhe u divorcuan në 1998.

/Panoramaplus.al