Ryan Dorsey ka postuar një video emocionuese në Instagram, duke adresuar pretendimet e bëra në lidhje me marrëdhënien e tij me motrën e të ndjerës, Naya Rivera, pasi u fotografuan duke mbajtur duart me njëri-tjetrin.

Aktori, 37 vjeçar, deklaroi se motra e ish-gruas së tij të ndjerë, Nickayla Rivera, 25 vjeçe u transferua me të me kërkesë të djalit të tij, Josey, pesë vjeçar, ‘sepse ajo tani është gjëja më e afërt që ai ka’.

Ryan zbuloi se ai nuk ka ndjekur asnjë nga rrjetet sociale që kur ish-ylli i “Glee”, Naya u mbyt aksidentalisht në korrik ndërsa po lundronte në një liqen me djalin e saj të vogël.

“Unë zakonisht nuk lexoj komente për gjërat e mia, sepse e di se si mund të thuhen 50 gjëra të mira dhe pesë negative”, tha ai. “Disi si njerëz ne i marrim ato pesë negative në kokën tonë duke menduar se si njerëzit mund të thonë gjëra të caktuara”.

“Më sollën në vëmendje që njerëzit kanë më shumë për të thënë dhe kanë mendime mbi situatën tragjike të një familjeje”, shtoi ai.

“99% e të huajve që as nuk e njohin këtë familje. Dhe do të jem i sinqertë, unë ndoshta kam lexuar rreth 10 dhe kjo ishte e mjaftueshme për të ditur se kjo është arsyeja pse unë nuk lexoj komente”, u shpreh Dorsey.