Është fotoja me personazhet kryesore të serialit që u aka rikthyer të gjithëve në kujtesë “Dashuri e ndaluar”, 11 vjet pas transmetimit. Një prej fabulave më tronditëse televizive që ngriu para ekranit miliona shikues në të gjithë botën.

E përshtatur nga vepra e pavdekshme e Halid Ziya Usakligil, “Dashuri e ndaluar”, me skenarin e saj mbresëlënës dhe kastin legjendar, pati një efekt të jashtëzakonshëm jo vetëm në Turqi, por në çdo ekran ku është shfaqur.

Sot, 11 vjet pas realizimit të filmit, fotografi i serialit Sinasi Serçe, ka publikuar një foto me personazhet kryesore, e cila nuk ishte parë asnjëherë më parë.

Bihter (Beren Saat), Behlul (Kivanç Tatlitug), Adnan (Selçuk Method) dhe Nihal (Hazal Kaya), në një foto fantastike 11 vjet më parë, kanë ndezur edhe një herë komentet në rrjet me entuziazmin e fansave për një serial të jashtëzakonshëm.

Fotoja është shpërndarë nga dhjetëra-qindra fansa në rrjet duke marrë kështu edhe një herë vëmendjen e më shumë se një dekade më parë. Shumë prej fansave pyesin pse nuk është publikuar më pare kjo foto që, sipas tyre, është më e bukura nga i gjithë seti i fotografive.