Mario Baloteli nuk ndryshon kurrë! Edhe pse këtë sezon, sulmuesi po luan tek Monza në Serinë B, ekip ky në pronësi të Berluskonit, bëmat e SuperMarios nuk mungojnë.

Në merkaton e dimrit, me synimin për të përforcuar sulmin, Monza siguroi shërbimet e sulmuesit 29-vjeçar, Davide Diau, i cili në një intervistë gjatë prezantimit të tij i pyetur për idhullin e tij, ai u përgjigj me emrin e sulmuesit të Bolonjës, Musa Barrou, i cili është plot 7 vjet më i vogël se sulmuesi 29-vjeçar.

Por një situatë komike ka ndodhur nga shoku i tij i ekipit, Mario Baloteli. Nisur nga përgjigja e Diau, SuperMario ka ngjitur postera të Barrou tek xhami makinës se Davide, tek shapkat e tij, tek celulari, kudo. Baloteli ka postuar foton e makinës së sulmuesit Diau ku shkruan “Barrou është idhulli i tij, kështu që e kënaqëm plotësisht Diau“.

PANORAMASPORT.AL