Për muaj me radhë Tea Trifoni dhe Shqipe Hysenaj kanë qenë në qendër të mediave pas sulmeve të shumta dhe akuzave nga më të ndryshmet për njëra-tjetrën.

Mirëpo, duket se së fundmi kanë hedhur pas çdo deklaratë të bërë në të shkuarën dhe do jenë sërish përball njëra-tjetrës. Shqipja ka publikuar ditën e sotme një fotomontazh ku shihet një bashkim fotosh së tyre, të mbuluara me vullkan dhe akull, si për të simbolizuar karakterin e tyre.

Dy ish-konkurrentet do jenë të ftuara ditën e nesërme në emisionin “E diell” në “Top Channel”. “Mos e humbni nesër, kemi mysafirë specialë”- ka shkruar Shqipja krahas postimit, duke na bërë kuriozë të gjithëve.

Ndërkohë, Tea e cila i ka dhënë fund marrëdhënies me Beartin, po rikthehet në emisionet shqiptare për të treguar versionin e saj të historisë dhe ndarjes së bujshme me ish-konkurrentin. Kujtojmë se ishte Shqipja ajo që zbuloi lidhjen e çiftit disa muaj më parë duke publikuar disa foto të tyre. Po ashtu, ajo u largua nga emisioni pas një debati me Tean, duke u akuzuar për bullizëm ndaj saj.

/News31