Florjan Binaj është një nga aktorët më të mirë shqiptarë të humorit.

Prej disa vitesh, ai aktron në spektaklin e “Portokallisë”, si edhe punon si prezantues emisioni në radio.

Por çfarë pune bënte Fjorjan Binaj përpara se të bëhej i famshëm si aktor humori?

Gjatë një interviste, ai ka pranuar se ka nisur punën që në moshën 8-vjeçare dhe një prej tyre ishte si faturino furgonash të Unazës.

Florjan Binaj u shpreh se nuk ka turp ta pranojë punën që ka bërë, pasi i kujton gjithmonë “se ku është dhe ku do të jetë”.

“Kam punuar që 8-vjeç, punoja lloj-lloj punësh, edhe si faturino në furgonat e Unazës kur nuk kishte autobusë. Nuk më vjen turp ta them, edhe sot e kësaj dite. Çdo punë më ka bërë që të mos e harroj fundin dhe sipërfaqen, të di gjithmonë ku jam dhe ku mund të jem për të ndihmuar njerëzit,”– tha Florjan Binaj në “Historia e Fundjavës”.

/Panoramaplus.al