Flori Mumajesi të bën që në një pasdite maji kur as që të binte ndërmend, të mendosh për ish-in
Është një pasdite e bukur maji dhe ti je duke bërë “scroll” në Instagram, ku sheh së fundmi foto të vjetra pushimesh apo video TikTok-u. Papritur të del përpara një postim i Flori Mumajesit dhe gjthçka ndryshon.
Duke qenë se i ka postimet e pakta, Flori sigurohet që secili prej tyre të jetë i veçantë. Videoja e fundit na bëri që papritur, kur nuk na shkonte fare mendja, të na kujtohej ish-i dashuri/a.
Sepse është një video e Mumajesit, që duket sikur po e ndjen bashkë me ne këngën “Ku gabum”. Fiks ajo këngë që të kujton ish-in. Që nga fraza “Më pyet ku gabum, a thu se faj kam vetëm unë” e deri tek “S’di si t’ja boj me ty unë”.
Po ky është Flori. Ka nga një këngë për çdo gjë që na ndodh në jetë. Mos u habisni nëse nesër do të postojë një këngë në Instagram që do ju bëj të “Plasni” nga dashuria për dikë, ta doni personin në krah “Me fjalë të vogla”. T’i thoni nënës që e doni shumë. “T’ja boni me drita” dikujt apo thjesht të vishni “Nallanet” e të kërceni për qejf.
/News31.al
Me te lexuarat
Me te lexuarat
