Javën që lamë pas moderatorja Eva Murati mungoi në emisionin e saj dhe kjo duket se ka merakosur shumë ndjekësit e saj. Eva ka thyer heshtjen ditën e sotme pasi nëpërmjet një fotoje në Instagram ka bërë me dije arsyen e mungesës. Moderatorja ka treguar se nuk ka qenë e pranishme për shkak se ka qenë e sëmurë dhe fatmirësisht nuk ka lidhje me Covid-19. Moderatorja është shprehur se trupi i saj pësoi një “kolaps” pas aventurave të saj të fundit.

“Në pamundësi për t’ju kthyer mesazh të gjithëve atyre që më kanë shkruar përse nuk u shfaqa në emisionin e të mërkurës në Champions League po shkruaj këtu! Faleminderit nga zemra për ato qindra mesazhe që kam marrë, më janë mbushur sytë me lot kur i kam lexuar! Ne 4 vjet Champions kurrë nuk ka ndodhur të mos jem e pranishme por për shkak se isha e semurë, (jo Covid) e kisha të pamundur të isha në program! Le te themi që trupi im pësoi kolaps pas gjithë atyre aventurave fatlume që kam patur këto kohë (do plaste diku syri i keq) Ju faleminderit edhe njëherë gjithë dashamirësinë që keni treguar ndaj meje që nga dita e parë e deri më sot!”

/News31