Aktorja Eva Longoria (50) demonstroi kombinimet e përkryera të modës.

Gjatë disa javëve të fundit, Eva ka veshur fustane të guximshme, kostume safari dhe xhaketë që kanë lënë një përshtypje të madhe.

Gjatë paraqitjes së saj në emisionin e Andy Cohen-it, Eva veshi një fustan të kuq mbi gju, të cilin e kombinoi me taka të kuqe në një nuancë të errët të së kuqes. Në pjesën e pasme, ishte e zbuluar gjysma e shpinës, transmeton Telegrafi.

Ky model është shumë i mirë nëse po festoni tani. Thekson belin dhe është gjithashtu shumë i sofistikuar. Eva ka humbur shumë peshë kohët e fundit, dhe ky fustan i rri shumë bukur.

Menjëherë pas atij fustani, për një paraqitje në emisionin “Live with Kelly & Mark”, Eva zgjodhi një fustan me xixa mbi një këmishë, i cili i rrinte shumë mirë. Ajo kishte mbathur taka me të njëjtën ngjyrë, ndërsa grimi ishte diskret, në mënyrë që i gjithë fokusi të mbetej te kombinimi.

Gjithashtu, në një tjetër talk show, këtë herë “The View”, Eva veshi një fustan që ishte ndoshta më i bukuri. Fustani i verdhë i gjatë deri në kyçin e këmbës ishte vërtet magjepsës. Mund të vishet në çdo rast dhe përshtypja do të jetë gjithmonë e njëjtë – përsosmëri e vërtetë.

Përpara studios së talk show-t të lartpërmendur, Eva mahniti me një kostum safari me rrip në ngjyrë kafe, si dhe me rroba të gjata gjithashtu në atë ngjyrë. Pantallonat ishin të gjata, të hapura dhe asgjë nuk dukej më elegante sesa të kombinonte ngjyrën e flokëve me këtë komplet. Ky kombinim është ideal për punë dhe për të dalë në qytet në versionin e ditës.

Le të jetë frymëzimi juaj kryesor Eva Longoria – një grua që nuk bën gabime kur bëhet fjalë për modën. /Telegrafi/