Ermal Mamaqi dhe Amarda Toska kanë treguar shpesh herë detaje nga historia e tyre e dashurisë në intervistat dhe daljet në ekran përgjatë viteve, e megjithatë duket se komediani ka gjithmonë ndonjë ndodhi interesante për të zbuluar, qoftë nga ditët e para të lidhjes apo dhe nga ato tani në familje.

I ftuar ditën e sotme në rubrikën “N’Fermë” të “E Diell”, Ermali ka rrëfyer një moment disi të sikletshëm gjatë fejesës së tij me Amin, ku “protagonist” ishte babai i tij. Aktori tha se i ati është një nga njerëzit më me humor që njeh, por gjithsesi kur kishin takimin e dytë me prindërit e Amit, ai i kishte kërkuar që mos të bënte shumë shaka në mënyrë që gjithçka të shkonte mirë.

Pavarësisht kësaj, i ati nuk e kishte kursyer një batutë, që Ermalit në atë çast ju duk sikur o prishi fejesën.

“Kur shkuam tek shtëpia e Amit, para se të futeshim i them babit përpiqu mos të bësh shumë humor se ishte takimi i dytë dhe mos të lëmë nam. Teksa rrinim dhe po bënim muhabet, erdhi momenti kur Ami kishte marrë shamampanjën edhe sa po hapte shampanjën vetëm kur i thotë babi im me një zë: ‘Mos e hap atë shampanjë’. Të gjithë kthyen kokën ngai ai të trembur, mos thashë unë mu prish fejesa, U tmerruan vjehrri me vjehrrën. Kur babai tha pastaj: ‘Po unë nuk po shoh gotat’

Pra e keni të qartë tani nga e ka trashëguar Ermali humorin.

/News3