Grimierja e njohur shqiptare, Merita Merja festoi ditëlindjen në një festë ku ishin të pranishëm shumë personazhe të famshëm, miq dhe mikesha të saj.

Mjeshtrja e extensions & e gërshetave shpërndau fillimisht në mesnatë setin e ri të fotove me tortën e ditëlindjes, ku mori urime të shumta nga miq artistë e plot dashamirës nga anembanë bota, ndërsa natën e ditëlindjes postoi foto e video nga festa VIP. Ahengu arriti kulmin kur në festë kënduan Era Rusi dhe Valbona Mema, të cilat elektrizuan mbrëmjen. Merita shfaqej në top formë si gjithnjë dhe e kuruar në detaj, ndërkohë që ranë në sy urimet e vajzave të famshme të showbizit, që ia kanë besuar Meritës look-n e tyre.

Grimierja e famshme e vajzave VIP e jo vetëm, Merita Merja pasi shijoi suksesin me produktet e saj ekskluzive, ajo s’di të ndalet. Mjeshtrja jo vetëm e grimit por edhe e extensions & gërshetave po përgatitet për të publikuar librin e saj të parë, brenda të cilit do të gjenden sekretet e artit të saj të bukurisë.

Merita Merja është emër i konfirmuar në botën e së bukurës, është e pakrahasueshme dhe brand autentik që e njohin gjjthandej, madje edhe jashtë kufijve shqiptarë. Suksesi i artistes së parukerisë dhe grimit ka arritur majat, ndërkohë që edhe produktet e personaliziara të Merjes marrin vëmendje gjithnjë e më shumë.

Në lidhje me produktin e bukurisë që është lançuar nga Merja pas “Glam By Merita”, dhe që është “Eternity Palette”, artistja e grimit ka treguar se paleta e saj përmban 21 tone, ku secili ton ka emrin specifik, që ka një domethënie të veçantë. Ndërkohë Merita është shumë e zënë këtë sezon vere, pasi shumë nuse VIP apo jo, ia kanë besuar asaj pamjen në ngjarjen më të rëndësishme të jetës.

Përdorimi i toneve të ngjyrave moderne pa e rënduar pamjen e nuses, është dhe sekreti që nuset VIP, të duken si modele të dala nga kopertinat e revistave. Ndërkohë me festën e ditëlindjes, Merita na tregoi se pavarësisht stinës së verës ku shumë janë me pushime, ajo ia del t’i mbledhë të gjithë bashkë për të festuar në mes të korrikut.