Performanca e fundit e Sir Elton John në turneun e tij të fundit në Mbretërinë e Bashkuar është përshëndetur nga fansat e përlotur teksa ai mbylli shfaqjen të dielën mbrëma. Këngëtari 76 vjeçar, i përlotur u shfaq në skenën Piramida të Glastonbury për shfaqjen e fundit në Mbretërinë e Bashkuar të turneut të tij Fareëell Yelloë Brick Road.

Pasi qindra mijëra dashamirës u mblodhën në Worthy Farm dhe miliona u sintonizuan në ekran për të parë lamtumirën e fundit të Eltoni, fansat e kanë cilësuar performancën e idhullit të tyre një triumf.

Koncerti përmbyllës ‘ i jetës’ u ndoq nga bashkëshorti i tij David Furnish dhe fëmijët e tyre, si dhe miq të famshëm duke përfshirë David Ëalliams dhe Spice Girls, të cilët thuhet se do t’i bashkoheshin atij për një festë të mrekullueshme pas shfaqjes.

Yjet duke përfshirë Paul Mçartney, Taron Egerton dhe Andreë Garfield u panë gjithashtu në prapaskenë duke parë shfaqjen përpara se të merrnin pjesë në after-party-n e Eltoni.

I vetmi zhgënjim për disa, ishte se yjet e emrave të mëdhenj që u përfol se do të bënin duet me legjendën nuk arritën të shfaqeshin në mbrëmje. Britney Spears, u spekulua gjerësisht se do të performonte këngën e tyre Hold Me Closer me Elton gjatë shfaqjes, megjithatë ajo nuk u shfaq kurrë.

Elton gjithashtu tha se ai do të këndonte vetë pjesën e këngës së Dua Lipës, Cold Heart, sepse ajo gjithashtu nuk ishte në gjendje t’i bashkohej atij natën, edhe pse më herët ishte njoftuar se artistja shqiptare do të ishte pjesë e të ftuarve special të Sir Elton John.

Në fillim të shfaqjes, artisti legjendar doli në skenë me një kostum floriri përpara se të ulej në piano ndërsa shpërthyen fishekzjarrët. Ylli i popit Sir Elton hoqi syzet e tij të famshme me ngjyrë të kuqe për të fshirë lotët ndërsa të ftuarit e tij muzikor i bënë homazhe në skenë. Gjatë mbrëmjes, ai ia kushtoi këngën e tij të parafundit Don’t Let the Sun Go Down on të ndjerit George Michael në 60 vjetorin e lindjes së tij.

Bordo