Historia e pazakontë e reperit shkodran që jeton në SHBA, i cili bëri bujë me Tayna-n në klipin “Columbiana”. Para pak javësh, në ekranin e “Top Channel” ka startuar emisioni “Pop Culture”, ku personazhi i parë i ftuar ishte reperi i njohur Don Phenom. Gjatë rubrikës më të re “Pop Buzz”, ai rrëfeu të rejat nga jeta e tij profesionale dhe personale. Por le të ndalemi pak tek kjo e dyta.

Pak kohë më parë, Don Phenom është shprehur se ishte në një lidhje me një vajzë shqiptare që po e mbante sekret, e cila është e panjohur për publikun. Por sekretit i erdhi fundi, pasi fotografi i gazetës “Panorama” e ka kapur reperin me të dashurën gjatë koncertit të “Capital T”.

Ajo është një bionde superseksi, që duket se ia ka rrëmbyer vërtet zemrën reperit të famshëm. Kjo, për faktin se ai për gati një vit, në të gjitha intervistat e deklaron veten “të zënë”, duke mos u lënë shteg fanseve të pretendojnë diëka me këtë.

Ajo që kishte mbetur pa zbuluar ishte vetëm portreti dhe “Panorama Plus” ju sjell fotot ekskluzive. Por, a ka në plan një dasmë? Kësaj pyetjeje Do Phenom i përgjigjet kështu: “Çdo djalë shqiptar duhet me u martu, me kriju familje se është amanet nga prindërit tanë, kështu që normal. Kadal-kadal, shohim”, ka treguar Don Phenom për “Pop Culture”.

Mesa duket, së shpejti do të dëgjojmë “krisma”. Don Phenom ka lindur në Shkodër, por jeton në Shtetet e Bashkuara të Amerikës. Emri i tij i vërtetë është Marin Sterkaj, por njihet si Phenom ose Don Phenom.

Ai lindi në Shkodër e më pas emigroi në New York, përkatësisht në lagjen e Bronx-it. Ka qenë pjesë në grupin A.B.I (Albanian Boys Inc) dhe bën pjesë në grupin C.F.E.(Caliber Flow ENT). Marini është një nga ato perzonazhe të showbizz-it, që e arriti suksesin pa dalë kurrë në ekran apo radio. Ai këndon saktësisht Hip-Hop Underground. Në 2013-ën, Phenom publikoi videoklipin “We Gettin It”, në bashkëpunim me Jeton & Presioni. Ndër bashkëpunimet e tij mund të përmendim atë me Big T “New York To California”, me Phaze “Throw It Up”, me Big Tee “S’kini Me M’nal”, kripin “Kampionat”, në bashkëpunim me Loko.

Vetëm këtë vit nuk numërohen klipet e tij, ku ka bashkëpunuar edhe me Stresin e Ronela Hajatin. Por të gjithë e dinë që superhiti i tij është ai i datës 1 qershor 2018, ku bashkë me Tayna-n publikoi videoklipin “Columbiana”.