Moderatorja e njohur nga Kosova Egzona Rafuna duket se ka thumbuar Beatrix Ramosaj mbrëmjen e sotme, duke thënë se ajo nuk ndan çifte.

Egzona është komentuar shumë për afrimitetin e saj me Donaldin. Disa mendonin se ka patur një pëlqim për të, të tjerë thanë se është futur për t’i dhënë mesazhe, kurse moderatorja i mohoi të dyja versionet.

Në një intervistë para disa javësh Beatrix u shpreh e “shokuar” kur kishte parë që Egzona i kishte thënë Donaldit që pas daljes nga shtëpia do të pinin kafe dhe të diskutonin disa gjëra. E po ashtu tha se “i çmendi komshinjt” kur ajo doli nga “Big Brother VIP”.

Sonte në “Post Big Brother VIP” Egzona foli rreth raportit të saj me Donaldin dhe Trixën, duke u shprehur se shoqëria me këngëtaren ishte reale dhe se nuk është vajzë që ndanë çifte.

E pyetur nga Arbana nëse ajo mendon se Trixa e bën një gjë të tillë, Egzona nuk dha një përgjigje të qartë por tha se nuk ka pasur tendencë të afrohet me Donaldin për ta ndarë nga Trixa.