Edhe Monika Lubonja me Covid: Po vrasim njëri-tjetrin
Nëpërmjet një postimi në rrjete sociale, Monika Lubonja ka bërë të ditur se është karantinuar në shtëpi, pasi ka dalë pozitive me Covid-19. Por përpos kësaj, aktorja e mirënjohur me këtë status dëshiron të japë një mesazh shumë të rëndësishëm për këto ditë pandemie që po kalojmë. Monika tregon sesi shumë njerëz të papërgjegjshëm japin duart me njëri-tjetrin, puthen e përqafohen duke mos i interesuar aspak se në këtë mënyrë po përhapin virusin. “Për mua si individ, si qytetare mos të treguarit për prekjen nga Covid është baraz me vrasje”-shprehet Monika e indinjuar për këtë fenomen papërgjegjshmërie që po ndodh.
Postimi i plotë: Jam e mbyllur në shtëpi, duke u kuruar nga COVID-19.
Sigurisht që kjo është një tjetër lloj lufte dhe të gjithë kemi për t’u përballur me këtë luftë të re.
Por ajo që sot më bëri të ulem, e të shkruaj këtë mesazh është një fenomen që po ndodh me ne.
Me dashje ose pa dashje ne po vrasim njëri – tjetrin duke mos e treguar që jemi të prekur nga COVID-19.
Vemi deri aty sa ulemi me njëri – tjetrin, pijmë kafe, shkojmë dhe për dreka, a darkojmë, qeshim e qajmë, madje kur ndahemi për të treguar që e duam shumë njëri- tjetrin i japim dorën dhe s’mjafton kjo, po në fund e puthim, po, po e puthim fort, madje më fort, aq fort sa i rrasim buzët tek faqja e shokut /shoqes apo dhe mikut si për ti dhënë një urim zemre “e gëzofsh”.
Por ka dhe nga ata që e kanë këtë Corona e dalin me vetëdijen e tyre të plotë duke vazhduar jetën, punën e tyre, argëtimet dhe vendosin një maskë në fytyrë, se fundja këtë kanë bërë gjithë jetën e tyre, e jo më tani që u bë koha e maskave. Dhe pyetje lind nëse kanë ndërgjegjie, kur në darkë kthehen në shtëpinë e tyre, a kanë bërë një bilanc se sa veta kanë filluar të vrasin?
Kush nuk e ka provuar se kupton, kush e ka provuar e kupton që kjo ështe një luftë dhe është një luftë e ashpër mes jetës e vdekjes. Përveç injorancës që na rrethon, që se pranojnë kur na vjen kjo e flamosur sëmundje, por dhe tek mjeku shkojmë nga fundi, kur kjo sëmundje e ka bërë tashmë të veten…
Pra këtu është fundi i gjithçkaje si shoqëri.
Për mua si individ, si qytetare mos të treguarit për prekjen nga Covid është baraz me vrasje.
Ne po vrasim njëri – tjetrin në një formë a ndonjë tjeter.
Zot na jep forcë!
Me te lexuarat
Me te lexuarat
Te fundit
