Këngëtarja shumë e dashur për publikun, Juliana Pasha e ftuar në “E diell”, tregoi shumë për marrëdhënien e saj me bashkëshortin Altinin.

Juliana tregoi se të dy janë xheloz për njëri-tjetrin, por Altini është më i duruar dhe nuk e shpreh. Ndërsa këngëtarja e kontrollon nga kamerat.

“Altini është xheloz, është shumë xheloz, po nuk e shpreh me nerva. Nuk është nga ata njerëz që nevrikosen. Çuditërisht, Altini është shumë i duruar.  Unë acarohem e para. Aty te restoranti ynë kemi ca kamera ne. Kur nuk jam te restoranti, jam 24 orë te kamerat. Shikoj Altinin të ulur në tavolinë, sidomos kur ka vajza, e marr direkt në telefon. Ça po bën, i them. Po ja, më thotë, me shoqëri… Me cilën shoqëri? Me këtë, me këtë… Po aty pse je ulur i them unë… Po jo, se s’ka asgjë”, tregoi Juliana.