Këngëtarja me origjinë shqiptare, Dua Lipa tashmë ka nisur turneun për të promovuar albumin e saj, “Future Nostalgia”.

Dua, e ka nisur këtë turne në datën 9 Shkurt në Miami, për të vazhduar më tej me performancën e saj të dytë në Nashville të Tenesisë pas disa ditësh.

Ajo është shfaqur me të njëjtën veshje në të dy koncertet.

Bëhet fjalë për kostumin e verdhë të markës “Balenciaga”, i cili ka tërhequr vëmendjen për shkak të një detaji interesant.

Performanca e Duas me këtë kostum ngjason me ngjyrat e flamurit të Kosovës.

Këngëtarja shfaqet në mesin e balërinëve e veshur me të verdhë ashtu si harta e Kosovës, shoqëruar nga gjashtë balerinë me ngjyrë të kaltër.