Dua Lipa siç nuk e keni parë kurrë, flet shqip dhe gatuan pite me Action Bronson në emisionin e tij (video)

Si asnjëherë tjetër një emision në SHBA ka frymuar shqip, me bukë shqiptare dhe me muzikë shqiptare. Është reperi Action Bronson, emri i vërtetë i të cilit është Arian Asllani, ai që ka kohë që po realizon një prej emisioneve më të ndjekura në SHBA me titull “The United Show with Action Bronson”. Showman-i që nuk e mohon kurrë origjininën shqiptare, jo pa qëllim ka pasur të ftuar një emër të famshëm në botën e muzikës, super yllin shqiptar nga Prishtina, Dua Lipën. Artistja në këtë emision flet për traditat shqiptare që ajo i ka mësuar nga prindërit dhe madje bëri edhe pite me Action Bronson, me të cilin në shumë momente komunikoi në gjuhën shqipe. Shijimi i piteve është bërë nën ritmet e muzikës shqipe, të këngës “Doli Goca n’Penxhere” nën interpretimin e Merita Halilit dhe Raif Hysenit. Kjo është hera e parë që në një emision në SHBA, si asnjëherë tjetër shpalosen traditat e bukura shqiptare me të cilat njihet e gjithë bota. Action Bronson natyrisht se u kënaq me këtë emision, ashtu sikurse Dua Lipa, e u kënaq në ritmet e muzikës shqipe.