Këngëtarja Kehlani ka folur mbi një ngjarje që i ka ndodhur në një nga shfaqjet e saj, ku dikush e ka ngacmuar seksualisht.
 
Ajo ndau me ndjekësit historinë në Instastory dhe tha se sapo përfundoi turin e organizuar në Europë, ndërsa tregoi edhe historinë e saj.

“Kam bërë disa video radhazi dhe e kam fshirë, pasi nuk dua që të shfaqem kaq e zemëruar, e mërzitur, apo duke qarë. Nuk më intereson se sa seksuale e konsideroni muzikën, performancat, argëtimin me miqtë e mi duke kërcyer nëpër klube, apo mua vetë…Kjo nuk i jep askujt të drejtën të kalojë një kufi si vendosja e duarve mbi fundin tim, për të më tërhequr të brendshmet dhe për të më prekur organet gjenitale”, tha artistja, mëse e prekur nga ngjarja.

Ajo shtoi se kjo ndodhi ndërsa po më shoqëronin pas përfundimit të turit. “Kjo më shkaktoi neveri. Si viktimë e sulmit seksual, jam pafundësisht e tronditur dhe e shokuar”, shtoi këngëtarja.

Nuk është hera e parë që Kehlani ka folur për sulmet seksuale, duke ndarë edhe përvojën e përdhunimit, në podkastin “Sunday Gems”.

Muzikantja është një mbështetëse e zjarrtë e viktimave të sulmeve seksuale, veçanërisht atyre që kryhen karshi grave. Në një intervistë për “Billboard”, ajo ka thënë: “Ne jemi gra, jemi jeta, burimi i jetës. Kjo mund të jetë e frikshme për njerëzit dhe mund të sjellë gjëra të tmerrshme, por mos harroni nga kemi ardhur dhe kush jemi. Mos harroni fuqitë tuaja, mos lejoni asnjë traumë t’ua marrë fuqinë”.

Anabelmagazine