Donald Trump u betua si president i SHBA-së.

“Betohem solemnisht se do të ekzekutoj me besnikëri Zyrën e Presidentit të Shteteve të Bashkuara dhe do të ruaj dhe mbroj Kushtetutën e Shteteve të Bashkuara”, tha Trump në betimin e tij.

Nga ky moment ai merr pushtetin duke u bërë presidenti i 47 në historinë e vendit.

Trump rikthehet në Shtëpinë e Bardhë pas një mandati ndërprerje të presidencës pasi humbi në zgjedhjet e kaluara ndaj Joe Biden.

Për të parën herë në 4 dekada, betimi u zhvillua në ambientet e brendshme të Capitol-it për shkak të temperaturave shumë të ulëta. Mbi 200 mijë njerëz kanë blerë bileta për të parë nga afër në ambientet e përcaktuara, drejtpërdrejtë ceremoninë.

Uashingtoni është blinduar nga masa të ashpra sigurie. Një staf prej 25 mijë agjentësh garantojnë sigurinë, me ndihmë të veçantë edhe nga dronët, snajperët dhe rrethimet e shumëfishta me rrjeta teli dhe blloqe betoni.

Në ditën e parë të presidencës së tij, Trump parashikon të nënshkruajë mbi 200 urdhra ekzekutivë brenda 24 orëve pas betimit.

americaneye.al