Si një ndër blogeret më të suksesshme në botë, Chiara Ferragni padyshim që ka edhe një garderobë gjigante.

Ditën e djeshme, ajo vendosi të ndajë me ndjekësit në rrjete sociale një pjesë nga “mbretëria” e saj.

Kanë qenë fansat ata që i kanë kërkuar të bëjë një video dhe të tregojë koleksionin e çantave, të cilat duket se zënë një pjesë të madhe të garderobës.

Ato janë të madhësive, ngjyrave, stileve dhe markave nga më të ndryshmet: Christian Dior, Fendi, Chanel etj.

Mes komenteve të shumtë, nuk mungonin edhe të tipit: “Faleminderit që na kujton sa të varfër jemi”, sigurisht me shaka.

“Gjysma e këtyre do të më mjaftonin për të blerë një vilë”,- shkruan njëra.

“Jam shumë e sigurt që dollapi yt është dhjetë herë më i madh se shtëpia ime”,- shkruante një tjetër.

Pavarësisht kësaj, Chiara ka zbuluar se këto çanta i ka koleksionuar përgjatë 15 viteve dhe se shumicën e tyre i ka marrë nga bashkëpunimet me marka të ndryshme.

Chiara është nënë e një djali, Leo-s, dhe bashkë me bashkëshortin e saj, Fedez, do të bëhen së shpejti prindër për herë të dytë, pasi pritet të vijë në jetë një vajzë.