Periudha e fundit ka qenë një makth i vërtet për sa i përket dëmtimeve të futbollistëve të Kombëtares. Një ndër ta është dhe Rei Manaj, i cili u detyrua t’i nënshtrohej një operacioni pas dëmtimit të pësuar ndaj QPR-së në kampionat më datën 27 gusht.

Manaj është pjesë e Uatfordit në Angli, teksa pritet të mungojë gjatë. Për fat të mirë operacioni ka shkuar me sukses dhe nuk ka patur komplikacione. Lajmi është konfirmuar nga vetë lushnjari nëpërmjet një postimi në faqen zyrtare në “Instagram” ku shkruan:

“Faleminderit shumë për gjithë mbështetjen e marrë gjatë këtyre ditëve. Operacioni shkoi siç ishte planifikuar, i jam shumë mirënjohës doktorit Lempainen Lasse. Shpresoj të rikthehem së shpejti për të ndihmuar ekipin të arrijë objektivat tona”.

 

View this post on Instagram

 

A post shared by Rey Manaj (@reymanaj97)

Sulmuesi nuk do të jetë në dispozicion të trajnerit Edi Reja për ndeshjet e muajit shtator në Ligën e Konferencës.

PANORAMASPORT.AL