Ish-bashkëshortja e Elton John ka ngritur padi ndaj këngëtarit.

Renate Blauel kërkoi urdhër ndalimi ndaj John, me të cilin u martua në vitin 1984 dhe u divorcuan 4 vite më pas.

Pas ndarjes Sir Elton u martua David Furnish, me të cilin ka dy fëmijë.

Blauel ka qëndruar larg mediave pas ndarjes, por John ka folur për keqardhjen që ndiente për dëmin që i shkaktoi.

Nuk dihet ende arsyeja e ngritjes së padisë, por këto masa zakonisht merren kur publikohen materiale private dhe intime.

Avokati i Blauel konfirmoi tha se klientja e tij “shpreson të zgjidhë çështjen në mënyrë private dhe miqësore”.

Bauel u njoh me Sir Elton në vitin 1983, në një shtëpi diskografike ku këngëtari po regjistronte albumin e tij “Two Low For Zero”.

Çifti u martua një vit me pas në Australi, ku Bauel u shpreh: “Ai është mashkulli më i mirë që kam takuar ndonjëherë.”

Por ata u divorcuan katër vite më vonë. Në një intervistë për revistën “Rolling Stone” në vitin 1976, i kishte pranuar se ishte biseksual.

Por në një tjetër intervistë, ai pohoi se ishte homoseksual dhe nuk i pëlqenin femrat.

Në vitet pas ndarjes, asnjëri nuk pranoi të komentonte ndarjen megjithë interesin e madh nga shtypi.

Ai foli për herë të parë për ndarjen në autobiografinë e tij.

“Për të qenë të denjë për dashurinë e dikujt, duhet të jeni mjaft i guximshëm që të jeni të sinqertë me veten dhe partnerin,”– u shpreh Elton John.

Në librin e tij, Sir Elton tha se ai kishte kontakte shumë të kufizuara me Blauel pas ndarjes së tyre, por e kishte ftuar atë të takonte fëmijët e tij sepse: “Doja që ajo të ishte pjesë e jetës sonë, dhe ne pjesë e jetës së saj, në një farë mënyre. Por ajo nuk donte dhe nuk insistova. Unë duhet të respektoj ndjenjat e saj.”

/Panoramaplus.al