Infermieret Mira Bushi, Sheqerie Koçi Sidorela Çela dhe sanitarja Rukije Hoxha kanë dalë sot para gjykatës për t’u njohur me masën e sigurisë.

Pas zbulimit të skandalit tek “Shefqet Ndroqi”, prokuroria e Tiranës kërkon arrest me burg për 3 infermieret dhe sanitaren që kishin ngritur një skemë të mirfilltë kriminale dhe çnjerëzore bashkë me Tire Alldervishin.

Në tentativë për të mbajtur të fshehtë skandalin ku u zhvasnin lekët pacientëve, Sheqerije Koçi, Sidorela Çela, Mira Bushi dhe sanitarja Rukije Hoxha kishin fshirë komunikimet me Tire Alldervishin.

Skandali u zbuluar fillimisht përmes sanitares Tire Alldervishi. Duke u hequr si infermiere, ajo i kishte zhvatur familjares së një pacienteje 8 milionë lekë të vjetra.

Por Tirja nuk kishte vepruar e vetme. Skema kriminale funksiononte në bashkëpunim edhe me 4 të arrestuarat e tjera, të cilat i ndanin paratë me njëra-tjetrqn. /Gazeta SHQIP