Modelja e njohur Katie Price dhe partneri i saj prej disa muajsh janë fejuar dhe së shpejti kishin vendosur që dashurinë e tyre ta kurorëzonin në martesë.

Dyshja janë fotografuar gjatë ditëve të fundit teksa pushonin në ishujt e Karaibeve dhe të dy ata dukeshin më të lumtur se kurrë.

Megjithatë, disa burime pranë çiftit kanë treguar se dyshja tashmë ka vendosur t’i japë fund lidhjes së tyre.

“Katie dhe Carl kanë vendosur të ndahen. Kanë qenë disa muaj të vështirë dhe çështjet e tyre gjyqësore në vazhdim sapo kanë shtuar edhe më shumë stresin në këtë situatë. Me të vërtetë duket se ka mbaruar tani për tani dhe ata të dy janë shumë të trishtuar për këtë”.

“Por sigurisht askush nuk do të befasohej nëse do të riktheheshin bashkë”, tha burimi.

Carl i ka propozuar Katie-s gjatë muajt Prill që lamë pas, gati 10 muaj pasi dyshja kishin filluar të dilnin me njëri-tjetrin.

Dyshimet se dyshja tashmë kanë menduar t’i jepnin fund lidhjes së tyre kishin filluar gjatë kësaj jave pasi Carl kishte fshirë të gjitha fotografitë e tyre të përbashkëta në profiline tij zyrtar të Instagramit.

Disa ditë më pas, edhe Katie u shfaq në publik pa uzanën e saj prej diamanti që partneri i kishte dhuruar gjatë propozimit për martesë.

Ndarja vjen vetëm disa ditë pasi Carl u shfaq në gjykatë si i akuzuar për përdorimin e fjalëve ose sjelljeve kërcënuese, fyese ose ofenduese në një rresht me Katien.

Carl do të përballet me gjyqin pasi u deklarua i pafajshëm për përdorimin e sjelljeve kërcënuese dhe abuzive.

Ai mbërriti në Gjykatën e Magjistraturës në Colchester duke u kapur për dore me Katien.

Nëse shpallet fajtor, ai mund të dënohet me një dënim në maksimum prej gjashtë muajsh burg.

Prokurori Leigh Hart i tha gjykatës: “Në mbrëmjen e 22 gushtit 2021, i pandehuri pati një debat me partneren e tij në adresën e shtëpisë së tij. Kjo ka bërë që partnerja e tij të largohet nga prona e tij për të shkuar në një pronë tjetër”.

“I pandehuri e ndoqi atë dhe u përpoq të thyente derën e asaj prone dhe u dëgjua duke bërtitur jashtë në rrugë, gjë që u dëgjua nga fqinjët”.

Duke mbrojtur Carlin, avokati Mark Davies i tha gjykatës se incidenti nuk ishte “asgjë më shumë se një grindje”.