Kriza e moshës së mesme është e vërtetë dhe po prek 50-vjeçarët e sotëm edhe nëse të ardhurat e tyre janë të mjaftueshme, zbulon një studim i ri.

Njerëzit në të 40-at dhe të 50-at raportojnë më shumë probleme të shëndetit mendor , rritje të stresit dhe presionit dhe më pak kënaqësi nga jeta sesa të rriturit më të rinj ose më të vjetër.

Prandaj, kriza e moshës së mesme është shumë reale dhe ekziston, thonë ekonomistët nga Britania, SHBA dhe Singapori në një studim të lidhur të publikuar nga Byroja Kombëtare e Kërkimeve Ekonomike (NBER) të titulluar “Krtiza e moshës së mesme”. Njerëzit në të 40-at dhe 50-at e tyre po kalojnë kohën më të keqe dhe më stresuese të jetës së tyre, pavarësisht faktit se të ardhurat e tyre mund të rriten.

Gjithashtu, krijimi i familjes duket se nuk ndikon në situatën pasi të dhënat e hulumtimit tregojnë se të njëjtën krizë përjetojnë si ata që kanë fëmijë ashtu edhe ata që nuk kanë krijuar familje.

Një shpjegim i mundshëm i studiuesve është se fenomeni është për shkak të faktit se njerëzit e moshës së mesme mendojnë se kanë dështuar në qëllimet e tyre të jetës.

“Mosha e mesme është një kohë kur njerëzit kanë më shumë gjasa të vrasin veten, të kenë probleme me gjumin, kanë depresion klinik, kanë probleme me përqendrimin, harrojnë gjërat, ndihen nën presion në punë, vuajnë nga dhimbje koke torturuese dhe bëhen të varur nga alkooli,” autorët e studimit thanë, dhe theksojnë se “diçka themelore nuk shkon me moshën e mesme”.

Njerëzit e moshës së mesme kanë dy herë më shumë gjasa të përjetojnë depresion sesa ata mbi 60 dhe nën 25 vjeç.

Rreziku i vetëvrasjes u gjet në kulmin rreth 50 për burrat dhe pak më herët për gratë, thanë autorët.

Burrat në të 50-at shohin gjithashtu një kulm në shqetësimet e gjumit dhe raportojnë orët më të pakta të gjumit – edhe ata pa fëmijë.

Termi krizë e moshës së mesme u krijua nga psikoanalisti Elliott Jaques në vitin 1965. Ai e përshkroi atë si grup ndryshimesh në identitetin e një personi që ndodh në kalimin në moshën e mesme, zakonisht nga 45 në 65 vjeç.

Faxweb