Ariana Grande ka bërë një tjetër blerje për sa i përket pronave që zotëron. Këngëtarja 26-vjeçare ka investuar 13.7 milionë dollarë për shtëpinë e saj të re në Hollywood.

Në një nga zonat më të lakmuara nga yjet botërorë, Grande ka zgjedhur një vilë tre katëshe, që plotëson të gjitha kërkesat e këngëtares. Sipërfaqja 10 mijë metra katror mundëson pamjen fantastike nga oqeani. Nuk mund të mungonte pishina në pjesën e jashtme të shtëpisë, si dhe ambienti SPA.

Brenda vilës gjenden gjjthashtu 4 dhoma gjumi, 7 tualete, 1 zyrë, një dhomë posaçërisht për ruajtjen e 300 shisheve verë, ambienti i veçuar i garderobës dhe bari. Fotot e ambienteve të shtëpisë tashmë po bëjnë xhiron e rrjetit, ndërsa nuk dihet nëse Grande do të bashkjetojë me të dashurin e saj të ri apo jo.

Sido që të jetë, tashmë këngëtarja do të gëzohet për shumë gjatë me dhuratën e fundit që i ka bërë vetes. Një shtëpi ëndrrash, apo jo?

News31.al

Burimi: Variety