Temë e diskutimit në emisionin Goodmorinig Albanians në Euronews Albania, këtë të enjte, ishte martesa dhe arsyet që i çojnë njerëzit drejt lidhjes së një kurore. Pjesë e panelit, udhëtarja profesioniste, Teuta Borova, tha se preceptimi ndaj martesës në ditët e sotme ka ndryshuar.

Ajo shtoi se shumë çifte zgjedhin me vetëdije të plotë që mos të kemë fëmijë pasi duan të shijojnë jetën.

“Preceptimi ndaj martesës ka ndryshuar, njerëzit kanë kuptuar që ne nuk vijmë në jetë vetëm për tu martuar dhe për tu bërë me fëmijë. Ka shumë çifte që bashkëjetojnë, që kanë vënë kurorë ose jo dhe që nuk duan të bëjnë fëmijë me koshiencën e tyre, pasi duan të shijojnë jetën. Jeta sot të ofron opsione nga më të fundmet.

Unë kur kam njohur partnerin tim ka qenë pas të 40-ave, unë e pranova se ka qenë gjëja më e bukur në jetën time”, tha Borova.