Këngëtari i njohur kosovar, Blero Muharremi i ka dedikuar gjithmonë bashkëshortes së tij fjalët më të ndjera të dashurisë duke i treguar publikisht se i mungon, pasi jetojnë në dy vende të ndryshme për shkak të punës së Afronës në Zvicër.

Së fundmi Blero ka publikuar një foto me më të dashurën e tij në ‘Instastory’ duke i pohuar se i mungon shumë.

“Të them se po ia dal, por po gënjej. Më mungon”, ka shkruar këngëtari krah fotos së tij.

Periudha e karantinimit duket se ia ka bërë më të vështirë largesën dyshes, ndaj dhe deklaratat e ndryshme të dashurisë për njëri-tjetrin nuk kanë munguar në asnjë moment gjatë kësaj kohe./revistawho.com