Biznesmeni deklaratë dashurie Luana Vjollcës, por mediat e thumbojnë për anglishten

Lidhja e tyre nuk është pranuar ende nga vete ata, por përmes fotografive paparazzi të realizuara kudo që çifti janë shfaqur bashkë. Moderatorja Luana Vjollca dhe biznesmeni nga Kosova Krenar Çoçaj që janë në një lidhje dashurie prej kohësh, kanë hezituar ta pranojnë këtë raport, megjithatë nuk do të mbetet për shumë gjatë kështu pasi ata tashmë kanë nisur dedikimet e dashurisë hapur ndaj njëri-tjetrit. Siç është për shembull një koment që Çoçaj ka shkruar në anglisht tek fotografia portret e Luanës, duke i shprehur kështu hapur dashurinë. Mirëpo anglishtja nuk qenka në nivelin e duhur për Krenarin duke qenë se ai ka bërë një gabim, shkruan Prive.al. “Nuk mund të kërkoj më të bukur se kaq. E ëmbla ime”, ka qenë komenti i Krenarit i shkruar në anglisht kështu: “I dont get more beautiful then this. My sweetness”. Ai e ka ngatërruar “then” me “than”, e në këtë rast do të duhej të ishte “than”, që përdoret në formën krahasimore, ngaqë “then” përkthyer në shqip i bie “pastaj”, citohet nga Prive.al.