Miqësitë mes personazheve të njohur të showbizit janë ato që bëjnë shumë përshtypje, për faktin se shpesh flitet se për shkak të xhelozive ata e kanë të vështirë të gjejnë miq të vërtetë mes tyre. Këto kohë po bën përshtypje shoqërimi i ngushtë i modelit Berat Behramaj me këngëtaren Fjolla Morina, duke ngritur dyshimet e para. Pyetjes së revistës “Story” çfarë i lidh kaq ngushtë të dy, Berati i përgjigjet: “Jemi miq shumë të mirë. Kemi momente aq të bukura bashkë që vështirë se harrohen lehtë”, tha ai. Po çfarë e bën për vete një djalë si ai tek këngëtarja (nënë e dy vajzave), ai i përgjigjet: “Fjolla ka karakter shumë të forte, dhe unë i pëlqej njerëzit me karakter të fortë. Ajo ka një zemër të madhe, e me tipin që ka mundet t’i bëjë të gjithë të buzëqeshin e t’i bëjë të ndihen mirë”. “Veç të tjerash”, tha ai,” kemi shumë sekrete që na bashkojnë dhe na lidhin më shumë në miqësinë tonë”. Fjolla e Berati njihen prej dita vitesh, një miqësi që Fjolla e ruan në vazhdimësi me modelin 22 vjeçar, ish-Mister Fotozhenia. Berati, i cili ka pozuar për Sheri Hill me Diana Avdiun, Angela Martinin e Marigona Dragushën njihet për skenat hot në klipin e Dafina Zeqirit. Aktualisht ai punon për biznesin e tij, ndërkohë që po përgatitet për karrierë si model në tregun ndërkombëtar.