E ftuar dje në “Soiree”, Ronela Hajati foli më shumë për albumin e saj të parë “Rron” si dhe për detaje nga jeta personale. Këngëtarja e dashur për publikun shqiptar ka zbuluar se 2 nga këngët e albumit do të jenë bashkëpunim me dy reperë nga Kosova, përkatësisht me Vig Poppën dhe Bardhin.Deri më tani nga albumi janë publikuar 3 këngë: “Prologue”, “Shumë i mirë” dhe “Aventura”, ndërsa Ronela ka treguar se në fillim të korrikut do të publikojë sërish këngë.

“Unë albumin e kam ndarë në 2 pjesë. E para do jetë në fillim të korrikut derisa të fillojë vera tamam dhe nuk dëshiroj që gjatë gushtit të nxjerr këngë të reja, sepse dua që njerëzit të mësojnë këto prodhime që po nxjerr dhe më pas t’i shijojnë gjatë verës. Pjesa e dytë do të fillojë pas shtatorit deri në fund të vitit. Kam dhe 3 këngë të tjera që do nxjerr, 2 prej të cilave janë bashkëpunime me reperë nga Kosova. I pari është Vig Poppa dhe i dyti është Bardhi që është një reper i ri, por është shumë i talentuar. Më pëlqejnë shumë që të dy janë emra shumë të mirë dhe që kanë talent dhe shkruajnë vetë dhe shkruajnë mirë, sepse kjo ka shumë rëndësi, që ti të marrësh një lloj ndjesi të mirë aq më tepër kur je në studio. Këtë vibe e kam marr ëabsolutisht 100% nga të dy. Mendoj që janë këngë vërtet të mira. Njëra nga ato është një remake i një kënge të vjetër shqiptare që unë e dua shumë me Vig poppen. Ndërsa me Bardhin nuk është këngë club-esh, por një këngë shumë e mire”, është shprehur ajo.

Ronela theksoi se pasi të jenë lançuar të gjitha këngët e albumit, po mendon të organizojë një mbledhje të vogël me njerëzit më të rëndësishëm që kanë kontribuar shumë në karrierën e saj muzikore.

“Me shpresë nga fundi i vitit, pasi të kenë dalë të gjitha këngët që unë mendoj se në total do jenë 10, por mund të jenë edhe më shumë, atëherë mendoj që të bëj një mbledhje të vogël e quaj unë. Jo koncert recital të mirëfilltë, por një mbledhje me miq, me bashkëpunëtorë me njërëz që kanë kontribuar dhe që unë jam mirënjohëse për të githë kohën që iu kam marrë, duke dëgjuar tekat dhe idetë e mia, sepse ashtu është në fund të ditës, plus unë bëj dhe 20 vjet në muzikë”, tha ajo.Këngëtarja ka zbuluar se shumë shpejt do të sjellë një këngë edhe për babain e saj, por nuk do të jetë baladë siç mund të pritej. /News31