Në një intervistë të fundit për “Revista Who”, Genta Ismajli ka zbuluar detajet e pathëna nga lidhja me biznesmenin turk, Hysen Usta. Dyshja u takuan një vit më parë në një darkë me miq të përbashkët në Kosovë.

Genta ka treguar se ata bashkëbisedojnë shpesh për martesën. Ajo ka shtuar se po pret propozimin e tij dhe mundet që vitin tjetër të bëjnë dasmë.

‘E bisedojmë shpesh pjesën e martesës. Do kisha deshirë të realizohej në datën 25 shtator, ditëlindjen e tij, pasi në atë datë nisi gjithçka. Megjithatë unë ende po pres propozimin e Ustës, ndoshta vitin e ardhshëm kemi dasmë”, u shpreh Genta.

Po ashtu, Genta ka treguar se Hyseni është prezantuar me familjen e saj, por ajo akoma nuk i ka takuar të shtëpisë së tij.

“Familjen e ka në Marash, afër Stambollit, nuk e ka në Zvicër. Nuk i kam takuar akoma ‘live’, por përmes videove kemi biseduar dhe jemi njohur. Ndërsa familja ime me Ustën është takuar, mami im flet edhe turqisht dhe ishte një përkthyese në fillimet e mia me Ustën. Mami im ka qenë arsyeja që jemi lidhur edhe më shumë”, tha ajo.