Beniada Nishani ishte e ftuara kësaj të mërkure në programin “Goca&Gra” në Top Channel. Ajo zbuloi më shumë rreth projektit të saj më të ri krah moderatores Argjira Spanca, “N’Trip”.

Mes të tjerash; Beniada nuk mund të mos rrëfehej edhe për eksperiencën pas përfundimit të Big Brother VIP dhe një nga kuriozitet e të gjithëve javët e fundit është marrëdhënia e saj me Einxhel Shkirën, me të cilën brenda shtëpisë së famshme ajo kalonte shumë kohë, mirëpo jo shumë pas daljes.

Për herë të parë në një studio televizive, Beniada rrëfeu ekskluzivisht për “Goca&Gra” se ato vërtet nuk janë takuar me njëra-tjetrën dhe deklaroi se nuk e ka as numrin e Shkirës. Por ajo zbuloi se Einxhelin mund të ishtë ndër emrat e paktë nga ish-banorët e BBVIP që ajo do ftonte në emision.